పసిడి ప్రియులు గత పది రోజులుగా తగ్గుతున్న బంగారం ధరలతో మంచి జోష్ లో ఉన్నారు. బంగారాన్ని కొనుగోలు చేయాలని ఉత్సాహాన్ని చూపిస్తున్నారు. ఈ సంవత్సరం ప్రారంభం నుండి విపరీతంగా పెరిగిన బంగారం ధరలు బంగారం షాపుల వైపు చూడాలంటేనే భయపడేలా చేశాయి. ఓ దశలో బంగారం ధర 60 నుండి 62 వేల వరకు చేరుతుందన్న అంచనాలు కూడా నిపుణుల నుండి వ్యక్తమయ్యాయి. ఇక అలాంటి పరిస్థితిలో తాజాగా వరుసగా బంగారం ధరలు తగ్గుతూ రావడం గోల్డ్ లవర్స్ కు శుభవార్త అని చెప్పాలి.

Gold Price Today Golden News for Gold Lovers the Prices of Gold Have Dropped Again Today Price

ఒక నెల కనిష్టానికి తగ్గిన బంగారం ధరలు
బంగారం ధరలు ప్రస్తుతం ఒక నెల కనిష్ట స్థాయికి తగ్గడం ప్రస్తుతం ప్రధానంగా కనిపిస్తుంది. ఇటీవల యూఎస్ వడ్డీరేట్లు పెంపు చేసినప్పటికీ అంతర్జాతీయంగా ధరలు తగ్గినా, దేశీయంగా ధరలు పెరిగిన బంగారం, ఇప్పుడిప్పుడే క్రమంగా కిందికి దిగొస్తోంది. ఇప్పుడు మళ్లీ యూఎస్ ఫెడరేట్ల పెంపు జరుగుతుందని ఊహాగానాలు వస్తున్న నేపథ్యంలో బంగారం ధరలు తగ్గుదల ఆసక్తికరంగా మారింది. మరో వైపు అంతర్జాతీయంగానూ బంగారం ధరలు తగ్గుతున్న పరిస్థితి కనిపిస్తుంది.

హైదరాబాద్లో నేడు బంగారం ధరల తగ్గుదల.. లేటెస్ట్ రేట్లు ఇవే
అంతర్జాతీయ మార్కెట్లో ప్రస్తుతం స్పాట్ బంగారం ఔన్స్ కు 1823.69 డాలర్ల వద్ద ఉంది. ఇక దేశీయంగాను బంగారం ధరలు పడిపోతున్న పరిస్థితులు కనిపిస్తున్నాయి. ప్రస్తుతం హైదరాబాద్లో బంగారం ధరలు విషయానికి వస్తే 10 గ్రాముల 22 క్యారెట్ల బంగారం ధర 51,800 వద్ద కొనసాగుతుంది .నిన్న ఈ ధర 52,000 వద్ద ఉంది. అంటే 200 రూపాయలు 22 క్యారెట్ల బంగారం మీద ధర తగ్గింది. అలాగే 10 గ్రాముల 24 క్యారెట్ల బంగారం ధర 56,510 వద్ద ప్రస్తుతం ట్రేడ్ అవుతుంది. ఇక నిన్నటి ధర 56,730 ఉండగా నేడు 220 రూపాయల మేర 24 క్యారెట్ల పై బంగారం ధర తగ్గింది.

దేశ రాజధాని ఢిల్లీ, ముంబైలలో బంగారం ధరలిలా
ఇలా ఉంటే దేశ రాజధాని ఢిల్లీలో 10 గ్రాముల 22 క్యారెట్ల బంగారం ధర 51 వేల 950 రూపాయలుగా కొనసాగుతుండగా, 10 గ్రాముల 24 క్యారెట్ల బంగారం ధర 56,610 గా ఉంది. దేశ ఆర్థిక రాజధాని ముంబైలో 10 గ్రాముల 22 క్యారెట్ల బంగారం ధర 51 వేల 800 రూపాయలుగా ప్రస్తుతం ట్రేడ్ అవుతుండగా, 10 గ్రాముల 24 క్యారెట్ల బంగారం ధర 56,510 గా ట్రేడ్ అవుతుంది.

విజయవాడ, విశాఖ, చెన్నై లలో ధరలిలా
ఇక విజయవాడలో 10 గ్రాముల 22 క్యారెట్ల బంగారం ధర 51,800 10 గ్రాముల 24 క్యారెట్ల బంగారం ధర 56,510 గా ట్రేడ్ అవుతుంది. విశాఖలోని ఇవే ధరలు కొనసాగుతున్న పరిస్థితి ఉంది. దేశంలోనే ధరలు ఎక్కువగా ఉండే చెన్నైలో 10 గ్రాముల 24 క్యారెట్ల బంగారం ధర 52,450 రూపాయల వద్ద ట్రేడ్ అవుతుంటే, 10 గ్రాముల 24 క్యారెట్ల బంగారం ధర 57,220 వద్ద కొనసాగుతుంది.

దేశంలో బంగారం స్మగ్లింగ్ కూడా .. భారీగా పట్టుబడిన బంగారం
ఓవైపు బంగారం ధరలు ఈ విధంగా కొనసాగుతూ ఉంటే, దేశంలో బంగారం స్మగ్లింగ్ చేస్తున్న వారు కూడా విపరీతంగా పెరిగిపోయారు. విమానాల ద్వారా బంగారాన్ని ఇతర దేశాల నుండి అక్రమ రవాణా చేస్తున్నారు. తాజాగా 23 మంది సూడాన్ దేశస్తులు తమ షూస్ కింద ప్రత్యేకమైన అరలలో బంగారాన్ని తరలిస్తూ శంషాబాద్ ఎయిర్ పోర్టులో కష్టమ్స్ అధికారులకు పట్టుబడ్డారు. వారి వద్ద నుండి 8 కోట్లు విలువ చేసే 15 కిలోల బంగారాన్ని కస్టమ్స్ అధికారులు స్వాధీనం చేసుకున్నారు. ఇటీవల కాలంలో ఇంత పెద్ద మొత్తంలో శంషాబాద్ విమానాశ్రయంలో బంగారం దొరకడం ఇదే తొలిసారిగా చెబుతున్నారు.

ఆడవాళ్లు అలంకార ప్రియులు. ఏ పండుగైనా, వేడుకైనా ముందు చూసుకునేదీ చీరలతో పాటు నగలే. బంగారం నగలు వేసేందుకు ఆసక్తి చూపుతారు. ఇవి అందంతో పాటు అవసరానికి ఉపయోగపడుతుండటంతో వీటిని కొనుగోలు చేసేందుకు ఇష్టపడుతుంటారు. అయితే ఈ ఆసక్తినే దుకాణాదారులు క్యాష్ చేసుకుని భారీ మోసాలకు పాల్పడుతున్నారు.

దేశంలో బంగారం ధరలు తగ్గుతున్నాయి. నవంబర్ నుండి పెరుగుతూ వచ్చిన ధరలు జనవరిలో రికార్డు స్థాయికి చేరాయి. ఇప్పుడు కాస్త తగ్గుముఖం పడుతున్నాయి. దీంతో కొనుగోలుదారులు బంగారాన్ని కొనేందుకు ఆసక్తి చూపుతున్నారు. భారత్‌లో బంగారానికి ఉండే మోజు, క్రేజ్ వేరు. అందుకే బంగారం కొనుగోళ్లలో దేశం రెండవ స్థానంలో ఉంది.

కేవలం మహిళలే బంగారు ఆభరణాలపై మక్కువ చూపడం లేదు, పురుషులు సైతం వీటిని ధరించేందుకు ఆసక్తి కనబరుస్తున్నారు. ఏ శుభకార్యమైనా, పండగైనా బంగారు నగలు ఉండాల్సిందే. బంగారం ధరలు పెరుగుతున్నాయంటే.. ప్రతి ఒక్కరీ మొహం వెల వెలబోతూ ఉంటుంది. వీటి ధరలు తగ్గుతున్నాయంటే చాలూ షాపులు సైతం కొనుగోలుదారులతో కళకళలాడుతుంటాయి. అయితే ఈ ఆసక్తినే దుకాణాదారులు క్యాష్ చేసుకుని భారీ మోసాలకు పాల్పడుతున్నారు.

వాస్తవంగా చెప్పాలంటే స్వచ్ఛమైన బంగారం మెత్తగా, సాగే గుణం ఉంటుంది. దీంతో ఇది నగగా మారే అవకాశం లేదు. దీన్ని రాగితో కలిపి ఓ వస్తువుగా తయారు చేస్తారు. ఈ విషయం అందరికీ తెలిసిందే. అయితే అందులో కూడా జిమ్మిక్కు ఉంది. 10 గ్రాముల వస్తువును తయారు చేయించుకోవాలంటే అందులో 1నుండి 2 గ్రాముల రాగి కలుస్తుంది.

రాగి ధరను కూడా బంగారం ధరతో సమానంగా లెక్కించి..మన దగ్గర నుండి వసూలు చేస్తారు. వాళ్లు తరుగు, మజూరీ అంటూ మరింత లెక్క చెప్పి మరింత నగదు దండుకుంటారు. అదేవిధంగా వజ్రాలు, ఇతర రాళ్లకు సంబంధించిన నగలు కూడా ఇదే విధంగా విలువ కడతారు. బంగారం, రాళ్లకు వేరు వేరు ధరలు చూపించాల్సి ఉన్నప్పటికీ.. రాళ్లకు కూడా బంగారం ధరే వేస్తున్నారు. ఇవన్నీ మనకు తెలియనవి. బంగారు షాపులు యజమానులు కానీ, చిన్న చిన్నదుకాణదారులు ఇవన్నీ చెప్పరు. ఏమాత్రం అనుమానం రాకుండా కొనుగోలు దారుల నుండి డబ్బులను తమ జేబుల్లోకి నింపుకుంటున్నారు.

బంగారంలో 24 క్యారెట్, 22 క్యారెట్, 18 క్యారెట్, 14 క్యారెట్, 12 క్యారెట్ ఉంటాయి. క్యారెట్ల బట్టి స్వచ్ఛతలో మార్పులు చోటుచేసుకుంటాయి. అయితే మనకు అత్యవసరమైనప్పుడు అమ్మాలన్నా, తాకట్టు పెట్టాలన్నా 24 క్యారెట్, 22 క్యారెట్ల నగలకే విలువ కడతారు. మిగిలినవీ కేవలం అలంకరణ, అందం కోసమే. మరీ అలాంటి బంగారం చిన్నముక్కైనా విలువైనదే. ఇటీవల దుకాణాదారులు పలు బంగారం దుకాణ దారులపై దాడులు జరిగితే విస్తుపోయే విషయాలు వెలుగు చూశాయి.

బంగారం కొనుగోలు సమయంలో దుకాణాదారులు చేతివాటం ప్రదర్శిస్తున్నారు. ఓ వస్తువు కొనుగోలు చేయాలంటే మిల్లీ గ్రామ్ కూడా విలువైనదే. ఎందుకంటే దానిపై ధరను కూడా మనకు వేస్తారు. ఇందులో జరుగుతున్న మోసాలనే కొలతలు తూనికల శాఖ అధికారులు బయట పెట్టారు.

బంగారాన్ని కొనుగోలు చేసేందుకు వస్తున్న కస్టమర్లను ఏ మాత్రం అనుమానం రాకుండా దుకాణారులు మోసగిస్తున్నారు. మిల్లీ గ్రాముల్లో బంగారాన్ని కొట్టేస్తున్నారు. బంగారం కొలిచే తూనికలు కచ్చితమైనవి వినియోగించకపోవడం, మరికొన్నిముందుగా సెట్ చేసుకున్న మిషన్లలో వీటిని తూస్తుండటంతో మిల్లీ గ్రాముల్లో తేడా వస్తోంది. ధర మాత్రం ఎంత బంగారం చూపిస్తే అంతకే వసూలు చేస్తున్నారు. మరికొన్ని మిషన్లు పాడైపోయినప్పటికీ, వాటిని అలాగే కొనసాగిస్తున్నారు. దీంతో ఇది అసలు ఏమాత్రం కొనుగోలు దారుడు గమనించలేడు. ఈ రకమైన మోసాలు పెద్ద షాపుల్లోనే కాదూ చిన్నపాటి దుకాణాదారులు జరుగుతున్నాయి.

అందుకే వీటి పట్ల ప్రజలు అప్రమత్తంగా ఉండాలని అధికారులు సూచిస్తున్నారు. నగ కొనే సమయంలో తూకాన్ని ఒకటి రెండు సార్లు తనిఖీ చేయాలని, తూనికలు, కొలతలు శాఖ నుండి ఆమోదించిన తూనికలు వినియోగిస్తున్నారా లేదా అని చెక్ చేసుకోవాలని సూచిస్తున్నారు. అలాగే రాళ్లకు, బంగారానికి వేర్వేరు ధరలను కూడా విడిగా చూపించాలి. వీటి ద్వారా కొంత వరకు మోసాల నుండి బయటపడొచ్చని చెబుతున్నారు. బంగారం మిల్లీ గ్రాముల్లో మోస పోతుండటంపై మీ అభిప్రాయాలను కామెంట్ల రూపంలో తెలియజేయండి.